اسف على الغيبة و انى طولت عليكم على منزلت الموضوع الجديد بس الامتحنات باة و شوية ظروف و ان شاء الله تعدى على خير.
كم هو جميل ان يكون لك قلب انت صاحبة و لكن الاجمل ان يكون لك صديق انت قلبة
(الصديق)حد فكر قبل كدة جت منين الكلمة دى فكروا كدة هتلاقوها جاية من الصدق و الصراحة
يعنى الصديق مش مجرد شخص يعد معاك يهزر معاك ياكل معاك ينام معاك و بس
الحجات دى بقت اى حد ممكن يعملها سواء يعرفنا او لا لكن الصديق لا حاجة تانية خالص
الصديق هو اللى يكون صادق معاك يضحك و يهزرمعاك لكن وقت متكون فى ضيقة و شدة
مش زى بقية الناس هيختفوا لا هتلاقية واقف معاك جنبك مادد ايدة بيحاول يشدك يطلعك من
اللى انت فية هتلاقية يكون صادق معاك فى كل شئ لما تغلط يقلك يعرفك غلطك حتى لو انت متقبلتش دة
بس هو بيعمل كدة لانة خايف عليك عاوزك انسان كويس عاوزك احسن و كتير مننا ضيعوا اصدقاء بجد
بيحبوهم و يخافوا عليهم لانهم مش شيفين الا انهم مش عاوزنهم يعملوا اللى نفسهم فية
الصديق شخص معاك فى الحلو و المر شخص بيكون زى الاخ و اكتر يمكن تلاقى نفسك بتقضى اوقات اكتر و اطول معاة اكتر مبتقضيها مع اخوك فى البيت تلاقى سرك فى امان عندة تلاقى نفسك لما تكون مخنو قو مضايق ترحلة لانك عارف انة هيفك عنك و هيشيل منك همك و يريحك مطمن ان فى حد تسند علية حد يوقفك لما تقع
هبقلك الصح و الغلط لما تغلط
هيسمحك لما تغلط فية و اول ميشوفك جيلة هينسى الاذية و يتصافى منك على طول
الصداقة و الصديق دى مش كلمة تتقال و الناس تتفق عليها مع بعض زى مبيحصل كتير
دى بتيجى بالزمن بتيجى بالاحساس بالراحة النفسية بتيجى لانها مقدرة و مكتوبة
الصديق دة شخص يشرفك فى كل حتة مهما كان شكلة او لبسة الصداقة دى شرف عظيم جدا جدا بس لو تعرفوا تقدروها صح بعيد عن الماديات هتعرفوا قيمتها و غلاوتها دى احلى من اى لفر او علاقة حب لانها علاقة حب صافية مجردة من الرزائل
حاول تكون صديق الكل و لو عندك صديق اهتم بية و ضمة ليك متبعدش عنة ولا تبعدة عنك
لانة اغلى كنز فى الدنيا المال و الصحة لهم وقت و ينتهوا اما الصديق الحقيقى فعمرة مينتهى بالعكس بتزيد قيمتة مع الوقت و الزمن.
ليست هناك تعليقات:
إرسال تعليق