الحب كلنا بندور على الحب ولما نلاقية نعيش فية احلى احلام و احلى ايام عمرنا و لما ينتهى فى الغالب بينتهى بالم و حسرة و ندم و قلوب مكسورة حزينة بتبكى بدل الدموع دم على اللى فات.
ايا كان السبب فى نهاية الحب دة بنتهم الطرف الاخر ديما انة السبب فى فشل العلاقة محدش يحب يتهم نفسة الكل شايف نفسة ملاك فوق الخطا و يتهم بعدها الحب انة خائن كاذب موجود بس عشان يدمر القلوب اللى بتدور على حد يضمها يحبها يحسسها بالحنان يحسسها بالامان فى زمن كلة غدر.
الحب لو كان لة لسان كان نطق اتكلم انا مظلوم ارحمونى من التهم دى مليش ذنب فى اللى حصل.
الحب هيدافع عن نفسة انة اتخلق عشان يحسسنا بالامان بالحنان اننا مش لوحدنا فى ناس جنبنا ديما الحب مبيقدمش الا الخير بس الوجة القبح الاخر اللى بنشوفة مش للحب دة للجنون عشان الجنون مع الحب ديما
لو فكرنا فى يوم فى علاقة حب مرينا بيها هنلاقى ان سبب فشلها مش ديما الطرف الاخر كتير بيكون لينا ايد ف اللى حصل و ف نهاية العلاقة دى الغيرة و حب التملك و الضعف الانسانى هو السبب فى فشل اى قصة حب الطرفين بيهدوا البيت اللى احتواهم اللى حسسهم بالامان اللى اسمة الحب بايدهم و فى الاخر كل واحد يتهم التانى انة السبب لو قدرتم تسيطروا على الغيرة و حب التملك و ضعفكم هتلاقوا نفسكم عارفين تكملوا حبكم من غير اى مشاكل تدمرة
اللى عايش و ملقاش حد يحبة و يعيش معاة عن نفسى بقلها اللى ملقاش حب يدى حبة لاصحابة بجد هما محتاجينة و هو هيلاقى حب صحابة معاة يكفية و يحسسة بالامان متتوقعش تلاقى نتيجة بسرعة فى اى حالة الانسان محتاج يصبر و احنا مش بنحب نصبر عشان كدة بنفشل ديما
